Round2

kuch baatein hum isharo mein kar lete hain
kabhi sitaro se hi unka haal pooch lete hain
bas unki kahi ek baat se din kaat lete hain
unke chehre ki chamak se raat roshan kar lete hain

baithe- baithe unn sapno ko jagane lage hain
apni jindagi mein unki jagah banane lage hain
sochte hain yu wyarth hi samay gavaya hamne
upar wale ki marzi maanke dil ko dhadkaane lage hain

kisi na kisi bahane batiyaane lage hain
whatsapp/fb/insta sab update karne lage hain
ab to smiley ka matlab bhi samajhne lage hain
unka dil janne ke liye,
kutto se bhi pyaar karne lage hain

purane jakhmo ko soch kabhi ghabra jata hu
uss dariya mein ab fir se na kudna chahta hu
lekin huzur, pichle tufaan se bhi nikal aaya hu
iss baar na bhi nikla
to tere liye doob jana chahta hu